الرئيسية
الحب نصفه اهتمام
بداية ..~
اهتم فيني .. حط بالك عليا ..
سكنـّي بروحك وعينك وقلبك ..
حافظ على أهل القلوب الوفية ..
مو كل يوم تلاقي واحد يحبك ..
أنا لك وودي تكون إنت لي ..
يا شين غيباتك ويا زين قربك ..
أبسط حقوقي إنك تحس فيا ..
وأحس إني بكل الأوقات جمبك ..
بطبيعة النفس البشرية .. لما تدخل بعلاقة سواء مع حبيب أو زوج أو خطيب .. تحب تكون محط اهتمام الطرف الآخر طول الوقت ..
يعني كل طرف يتذكر الثاني بأي شي لو بمسج صغير (( اشتقت لك )) صحيح بسيط لكن صدقوني يفي بالغرض ..
ما أقول نحاصر بعض لأن الحصار مو حلو وكريه ويزعج الاثنين ..
ولكن برضو الاهمال يقتل الحب على المدى الطويل ..
لما تعطي وتعطي وتعطي في الحب ما تنتظر رد العطا لأن الحب عطا وعطا فقط ..
لكن لما تعطي ويواجه عطاءك بالاهمال طبيعي مع الوقت يخف عطاءك وتصير تتردد تكمل ..
إذا حس أي طرف في أي علاقة بعدم اهتمام أو اهمال من الطرف الثاني بيتضايق أكيد ويبدا يلمح بطريقة أو بأخرى ولو ما فاد التلميح
واستمر الاهمال وقتها ممكن يجرب يبعد وبيبدا يخفت الحب جواته (( يخفت القصد منها يخف وهجه وحماسه وانطلاقته )) ..
ولو خف هالشي ممكن مع الوقت يصير وجوده وعدمه واحد ..
ولما يبغى الطرف اللي بدا الاهمال يسترجع الحب والشي اللي تعوّد عليه ما يلقى أحد ولا يلقى شي ..
أصعب شعور على اللي يحب الاهمال من الحبيب أو الزوج أو الخطيب .. أو حتى الصديق ..
لما طرف يسوي كل شي عشان يرضيه ويسعده والثاني بس ياخذ ويسكت حتى تعبير عن فرحته فيك واحساسه باللي تسويه عشانه ما فيه ..
والكلام تشحده منه شحادة .. طبيعي مع الوقت بيمل ويتعب ويزهق .. ويصير ما عنده شي يعطيه ..
الأسئلة ..~
1- رأيك بالمقولة " الحب نصه اهتمام " ,, تؤيدها أو لا .. ؟
2- لو تعرضت للإهمال من الطرف الآخر ,, كيف بتكون ردة فعلك .. ؟
3- كيف تصرفك مع الطرف الآخر لمن يهملك وما يهتم فيك وبالأشياء اللي تحبها ..؟
4- تصبر عليه .. ؟ إلى متى ؟ متى ممكن يخلص هالصبر ..؟
5- هل باعتقادك إن الاهمال يخفف وهج الحب تدريجيا ً..؟
6- لو كنت إنت الطرف المهمل .. لو جا فيوم وسمعت إنه اللي اهملته راح وما عاد يرجع بأي طريقة كانت ,, ايش موقفك وكيف بتتصرف ..؟
7- أترك لكم هنا حرية التعبير ..!
خاتمه ..~
تصـّـور كــذا ..
يصيـــر شــي ما تتوقعــه ..
يا خذ امــــانتــي رب العبــاد ..
و يختفــي صوتــي و ما تسمعــه ..
تصـّـور لو يجــي هاليــوم ..
و تنــدم على ما فــات ..
و تتحســر على اهمالك ..
و تــزيــد في صــدرك همــوم ..
و تبـكـــي فراقــي ..
بس .. بوقــت متأخـــر ..
قلـــي وقتهـــا بـتكـــون مرتــــاح ؟؟!!
» المنهج الدراسي المعتمد للرخصة الدولية لقيادة الحاسوب الإصدار 4،0
» قلم كاميرا وريموت كاميرا وميدالية ومنبه كاميرا ونظارة فى مصر بأسعار رخيصة
» كاميرات خفية على شكل ساعة وقلم وريموت وميداليات واجهزة تصنت واليكتريك
» اصغر جهاز تصنت فى العالم عن طريق شريحة الموبيل من
» كاميرات خفية على شكل ساعة وقلم وريموت وميداليات
» صاعق كهربائى واليكتريك شوك فولت عالى يصعق اى شىء امامه بسعر مغرى من
» جلب الحبيب بالسحر المغربي
» : العمل الصالح